کابل ته د سوېلي آسيا د ستراتېژيکو څېړنو مرکز د مرستيال سفر
په ترکيه کې د “سوېلي آسيا د ستراتېژيکو څېړنو مرکز” مرستيال ښاغلی جمال ديمير، د ستراتېژيکو او سيمه ييزو څېړنو مرکز د رسمي بلنې له مخې کابل ته درې ورځنی سفر درلود او نن بېرته استانبول ته ستون شو.
ښاغلي جمال ديمير کابل ته له رارسېدو سره د ستراتېژيکو او سيمه ييزو څېړنو مرکز د رهبرۍ شورا له غړو سره ملاقات درلود او په دغه ملاقات کې لومړی نوموړي ته د ستراتېژيکو او سيمه ييزو څېړنو مرکز د فعاليتونو يو لنډ پرېزېنټېشن په ترکي ژبه وړاندې شو او وروسته د دواړو مرکزونو ترمنځ پر دوه اړخيزو همکاريو بحث وشو. د دغه ملاقات په پای کې نوموړي له ستراتېژيکو او سيمه ييزو څېړنو مرکز سره، د خپل مرکز په استازيتوب د دوه اړخيزو همکاريو يو هوکړه ليک هم لاسليک کړ.
نوموړي د سفر په دويمه ورځ په سلام پوهنتون کې د دغه پوهنتون د استادانو او محصلينو يوې غونډې ته، کابل ته د اردوغان د سفر او د ترکيې د برياوو په اړه يوه وينا هم وکړه.
دغه راز نوموړي په کابل کې له ځينې علمي او اکاډېميکو مرکزونو سره هم ملاقاتونه او ناستې درلودې، چې د ستراتېژيکو او سيمه ييزو څېړنو مرکز له خوا تنظيم شوې وې.
پای