د هلمند د اوبو تړون: حقوقي ارزونه او د افغانستان او ايران پر سياسي اړيکو يې اغيزې
د ستراتیژیکو او سیمهییزو څېړنو مرکز « د هلمند د اوبو تړون: حقوقي ارزونه او د افغانستان او ايران پر سياسي اړيکو يې اغيزې » تر عنوان لاندې علمي سمینار جوړ کړ.
په دې علمي سیمینار کې، چې پنجشنبه (۱ چنګاښ ۱۴۰۲) د دغه مرکز په دفتر کې جوړ شو، ګڼ شمېر سیاسي او علمي شخصیتونو ګډون وکړ.
یاد سيمینار د سرمحقق عبدالصبور مبارز په ویندویۍ او د قرآن کریم د څو آیتونو په تلاوت سره پيل لومړی د ستراتیژیکو او سیمهییزو څېړنو مرکز رئیس دکتور شاهرخ رؤوفي ګډونوالو ته د ښه راغلاست ترڅنګ د دې موضوع اهمیت باندې رڼا واچوله او وویل چې مرکز تل هڅه کړې چې د داسې ملی مسائلو اهمیت، او د هغې تاثیرات د ورته سمینارونو له لارې د هیواد د علمی شخصیوتونو په شتون کې خلکو ته روښانه کړی. له پرانېستې وینا وروسته علمي شخصیت د اوبو او انرژۍ وزارت ستر سلاکار او د پوهنې وزارت پخوانی وزیر ډاکټر فاروق اعظم د هلمند د اوبو په تړون هر اړخیز بحث وکړ نوموړي وویل: د هلمند د اوبو تړون هغه مهم او ارزښتناک سند دی چې د افغانستان او ایران ترمنځ یې د اوبو شخړه هواره کړې ده. ایران په افغانستان کې د جنګونو له امله په تیریو څو لسیزو کې د خپل حق څخه څو چنده اضافه اوبه اخیستې دي او دا چې اوس وچکالي ده، نو هغوي خپل ولس د غلي کولو او خپلو داخلي بحرانونو څخه د ولس د مخ اړولو لپاره په سرحد کله نښته کوي او یا هم کله یې مشران تیزه خبره کوي. اسلامي امارت د هلمند اوبو تړون ته ژمن دی او هيڅکله به پر دغه تړون معامله ونکړي.
د سیمینار په دویمه برخه کې د ګډونوالو پوښتونو ته ځوابونه وویل شول.
د سیمینار په پایی کې د ستراتيژيکو او سيمه ييزو څېړنو مرکز د مرکزي بورډ مشر دکتور مصباح الله عبدالباقي د نتیجه ګیری په شکل د یاد سیمینارو په ارزښت وغږید او روښانه یې کړه چې دا ډول سیمینارونه کولی شی چې د ملی مسائلو په اړه ملت ته یو ښه موقف روښانه، او آګاهی ورکړي.
سیمینار په دعا سره پای ته ورسید.
پای
